रावेर प्रतिनिधी (समाधान गाढे) पाल येथे कंपार्टमेंट 61 मध्ये शेळ्या चारण्यासाठी गेलेल्या 10 वर्षीच्या चिकुकल्यावर वाघाने प्राणघातक हल्ला केल्याने बालक गंभीर जखमी झाला आहे. ही सदर घटना दिनांक 1 डिसेंबर बुधवारी सकाळी सकाळी 8 वाजेच्या सुमारास घडली.[ads id="ads2"]
पाल च्या पुढे असलेले मांजल येथील गुराखी दिपला बारेला हा त्याच्या मित्रासमवेत दररोज प्रमाणे शेतात शेळी व गुरे चारण्यासाठी वन्यजीव वनहद्दीतील कं.नं. ६१ मध्ये गेले होता.
याठिकाणी दबा धरून बसलेल्या वाघाने, सर्वप्रथम आधी शेळीवर हल्ला चढवला व नंतर गुराखी दिपला बारेला याच्यावर हल्ला करून नाकावर,तोंडावर,पायावर व पाठीवर गंभीर जखमी केले. [ads id="ads1"]
याबाबत सोबतच्या गुराख्यानी गावाकडे धाव घेत,गावात जाऊन गावकऱ्यांना घडलेलल्या घटनेबाबत सांगितले, गांवकरी घटनास्थळी पोहोचले तोपर्यंत बालकाला गंभीर जखमी करून वाघ पसार झाला होता.यानंतर वडील माल्या बारेला व ग्रामस्थानी जखमीला दुचाकीवर तात्काळ पाल येथील ग्रामीण रुग्णालयात दाखल केले, त्याठिकाणी प्राथमिक उपचार वैद्यकीय अधिकारी सचिन पाटील यांनी केले.
